Медеуов Нұрдаулет Данабайұлы ішкі конкурс нәтижесі бойынша қала әкімінің орынбасары болып тағайындалды, деп хабарлайды QULAGER.KZ.

Қала әкімі Жандос Тасов қала әкімдігінің активіне таныстырып, жаңа қызметіне сәттілік тіледі.

Нұрдаулет Данабайұлы 1988 жылы 21 қыркүйекте Түркістан облысы Қазығұрт ауданы, Қазығұрт ауылында дүниеге келген.

Еңбек жолы:

04.11.2013 — 02.12.2015 жж. «Оңтүстік Қазақстан облысының туризмін дамыту ассоциациясы» ҚБ директорының міндетін атқарушы.

10.03.2016 – 11.01.2017 жж. Астана қаласының білім басқармасы «Жас саяхатшылар станциясы» КММ нұсқаушы;

11.01.2017 – 23.06.2017 жж. Астана қаласының әкімдігі «Балалар мен жасөспірімдер туризмі және өлкетану орталығы» МКҚК нұсқаушы;

01.07.2017-31.12.2018жж. Маңғыстау облысы «Атамекен» өңірлік кәсіпкерлер палатасы, «Бастау» жобасы, бизнес тренер

03.01.2019 – 14.10.2019 жж. Түркістан облысы туризм және сыртқы байланыстар басқармасы «Turkistan Tourism Center» туристік ақпараттық орталығы КММ басшы орынбасары;

14.10.2019 – 29.04.2020 жж. Түркістан облысы туризм басқармасы «Turkistan Tourism Center» туристік ақпараттық орталығы» КММ басшы орынбасары;

12.08.2020 – 31.08.2020 жж. Түркістан облысының туризм басқармасы, Туризмді дамыту бөлімінің бас маманның м.а;

01.09.2020 – 27.10.2020 жж. Түркістан облысының туризм басқармасы, Туристік жабаларды іске асыру бөлімінің бас маманның м.а;

28.10.2020 – 19.11.2020 жж. Түркістан облысының туризм басқармасы, Туристік жобаларды жоспарлау және жүзеге асыру бөлімі басшысының м.а.;

20.11.2020 – 02.11.2021 жж. Түркістан облысының туризм басқармасы, туристік жобаларды жоспарлау және жүзеге асыру бөлімінің басшысы;

03.11.2021- 24.03.2023 жж. Түркістан облысының туризм басқармасы, туристік жобаларды жоспарлау және жүзеге асыру бөлімінің басшысы;

24.03.2023 – 28.01.2024 жж. Түркістан облысының мәдениет және туризм басқармасы, Туризмді дамыту және туристік жобаларды іске асыру бөлімінің басшысы;

28.01.2024 – 01.07.2024 жж. Түркістан облысының мәдениет және туризм басқармасы басшысының орынбасары;

01.07.2024 – 22.09.2024 жж. Түркістан облысының мәдениет басқармасы басшысының орынбасары;

23.09.2024 – 08.01.2026жж. Түркістан облысының туризм басқармасы басшысы болып қызмет атқарған.

QULAGER.KZ. 2025 жылғы 29 желтоқсанда АҚ «Samruk-Kazyna Construction» Басқарма төрағасының эксплуатация жөніндегі орынбасары лауазымына Ғабидолла Әбдірахымов тағайындалды, деп жазады KAZINFORM.

Ғабидолла Әбдірахымов экономикалық және басқарушылық білімі бар, соның ішінде «Болашақ» бағдарламасы аясында мемлекеттік басқару магистрі дәрежесін алған.

Ол мемлекеттік қызмет жүйесінде, Президент Әкімшілігінде, Қазақстан Үкіметінде басшылық лауазымдарда қызмет атқарған, сондай-ақ Шымкент қаласының әкімі және мәдениет және спорт вице-министрі болып жұмыс істеген.

Айта кету керек, Ғабидолла Әбдірахымов «Samruk-Kazyna Construction» басқармасының мүшесі емес.

Түркістан қаласында тұрғын үй құрылысын жүйелі дамыту, халықты баспанамен қамту және көпқабатты тұрғын үйлердің сапалы әрі уақытылы салынуын қамтамасыз ету бағытында қарқынды жұмыстар атқарылып келеді. Осы мақсатта қала әкімі Әзімбек Пазылбекұлының төрағалығымен қала аумағында жүзеге асырылып жатқан тұрғын үй жобаларының қазіргі жай-күйі мен алдағы жоспарларын талқылауға арналған арнайы жиын өтті.

Жиынға қала әкімінің орынбасарлары, құрылыс басқармасы мен мемлекеттік сәулет-құрылыс бақылау басқармасы өкілдері қатысып, құрылыс бөлімі басшысының м.а Дәурен Мәуленов пен тұрғын үй бөлімі мен тұрғын үй инспекциясының басшысы Талғат Үсенбаев баяндама жасады.

Жиын барысында Отырар шағын ауданында жүзеге асырылып жатқан көппәтерлі тұрғын үйлердің құрылысы туралы баяндалды. Аталған аумақта 5 қабатты 20 тұрғын үй салынуда. Жалпы 800 пәтер жоспарланған, оның ішінде 1 бөлмелі – 200, 2 бөлмелі – 200, 3 бөлмелі – 400 пәтер. Қазіргі таңда 15 тұрғын үйдің құжаттары толық аяқталып, тұрғын үй қатынастары бөліміне өткізілген.

Сонымен қатар, «Жібек жолы» тұрғын үй кешенінде 10 көпқабатты тұрғын үйдің құрылысы жүргізілуде. Оның ішінде 6 тұрғын үй — 512 пәтер арендалық бағытта пайдалануға беру жоспарланса, 4 тұрғын үй — 432 пәтер «Отбасы банк» арқылы ипотекалық кредиттік бағдарламалар аясында тұрғындарға ұсынылатын болады.

Мәжілісте сондай-ақ, 22 тұрғын үй кешенінде жүзеге асырылып жатқан кредиттік тұрғын үйлердің құрылысы талқыланды. Қазіргі таңда ішкі әрлеу жұмыстары 80 пайызға, қасбет жұмыстары 75 пайызға, шатыр жабу жұмыстары 80 пайызға орындалған. Жалпы бұл кешенде 880 пәтер қарастырылған.

Қала аумағында сонымен қатар 7 қабатты 14 тұрғын үйден тұратын кредиттік тұрғын үйлердің құрылысы жүргізілуде. Бұл бағытта барлығы 588 пәтер пайдалануға беру жоспарланған.

Жиында тұрғын үй кезегінде тұрған азаматтардың санаттары мен статистикасы да талқыланды. Қазіргі таңда Түркістан қаласы бойынша тұрғын үй кезегінде 25 мыңнан астам азамат тіркелген. Әзімбек Пазылбекұлы кезекте тұрған, әлеуметтік санаттағы тұрғындардың құжаттандыру үдерістерін жеделдетуді және тұрғын үйлерді уақтылы пайдалануға беруді тапсырды.

Түркістан қаласында жылу мекемесінің жұмысы тұрақты бақылауда, деп хабарлайды QULAGER.KZ.

Түркістан қаласының әкімі Әзімбек Пазылбекұлы нысандарды аралау барысында жылу мекемесінде болып, жылыту маусымының өту барысымен танысты. Қала басшысы жылу көздерінің жай-күйін, қазандықтардың жұмысын тексеріп, тұтынушыларға жылудың тұрақты жеткізілуін қадағалады. Сондай-ақ сала басшыларына жылыту маусымының тұрақты әрі сапалы өтуіне қатысты бірқатар тапсырмалар берді.

Қазіргі таңда 2025–2026 жылғы жылыту маусымының жұмыс барысы тұрақты бақылауда. Бүгінде қала бойынша 12 561 тұтынушыға жылу жеткізілуде. Оның ішінде 223 көпқабатты тұрғын үй, 18 бюджеттік ұйым, 55 кәсіпкерлік нысан және 36 жеке тұрғын үй бар.

Барлық әлеуметтік нысандардың жылыту маусымына дайындығы тиісті актілермен расталған. Жылу беру жұмыстары бекітілген кестеге сәйкес және тұрақты түрде жүргізілуде.

Қысқы маусымның тұрақты әрі қауіпсіз өтуін қамтамасыз ету мақсатында қала әкімдігі мен коммуналдық қызметтер күшейтілген режимде жұмысын жалғастыруда.

Түркістан қаласында газ қауіпсіздігі жүйелі бақылауда, деп хабарлайды QULAGER.KZ.

Қала тұрғындарының қауіпсіздігін қамтамасыз ету мақсатында Түркістан қаласында тұрмыстық газды дұрыс әрі қауіпсіз пайдалану бойынша жүйелі бақылау жұмыстары жүргізілуде.

Қазіргі таңда қала бойынша 46 627 абонент табиғи газды тұтынады. Оның ішінде 34 081-і — жеке тұрғын үйлер, 12 526-сы — көпқабатты тұрғын үйлер. Жыл басынан бері барлық 46 627 абонент толық араланып, табиғи газды пайдалану талаптарының сақталуы тексерілді.

2025 жылы жүргізілген тексерулер нәтижесінде 45 209 абоненттің газды талапқа сай пайдаланып отырғаны анықталды. Ал 1 418 жағдайда акт толтырылып, тиісті ескертулер берілді. Анықталған кемшіліктер негізінен техникалық құжаттардың болмауы, ішкі газ желілеріне қойылатын талаптардың сақталмауы, желдету жүйелері мен мұржалардың талапқа сай болмауы, сондай-ақ газсигнализаторлардың орнатылмауымен байланысты болды.

Газ инспекциясы «QAZAQGAZ AIMAQ» акционерлік қоғамымен және Түркістан қаласының төтенше жағдайлар басқармасымен бірлесіп, улы газдан уланудың алдын алу мақсатында жыл басынан бері 71 рет түсіндіру және алдын алу шараларын өткізді.

Сонымен қатар, қала аумағындағы 1 532 кәсіпкерлік нысанның 1 445-іне профилактикалық аралау жұмыстары жүргізілді. Нәтижесінде 84 кәсіпкерлік нысанда кемшіліктер анықталып, олардың 43-і белгіленген тәртіпке сәйкес толықтай жойылды.

2025–2026 жылғы жылыту маусымына дайындық аясында әлеуметтік нысандар да назардан тыс қалмады. Атап айтқанда, 88 мектептің 4 жекеменшік мектебі мен 141 балабақшаның 105-іне тексеру жүргізілді. Нәтижесінде газсигнализатор орнату, желдету арналарын ретке келтіру және ішкі газ желілеріне қатысты келісімшарттар жасау бойынша ескертулер беріліп, анықталған кемшіліктер белгіленген мерзімде толықтай жойылды.

Аталған бағыттағы жұмыстар Түркістан қаласы әкімдігі тарапынан тұрақты бақылауда және алдағы уақытта да жүйелі түрде жалғасын табатын болады.