фото: championat.com
«Барселона» клубы Испания чемпионатында көш бастады, деп хабарлайды QULAGER.KZ.
Футболдан Испания чемпионатының 24-туры аясында «Барселона» және «Райо Вальекано» клубтары кездесіп, ойын 1-0 есебімен аяқталды.
Ойындағы жалғыз голды футбол тарихындағы үздік сұрмергендердің бірі Роберт Левандовский 28 минутта пенальтиден салды.
Осылайша 51 ұпай жинаған каталондық клуб мадридтік «Реалды» басып озды. Екі команданың ұпайы бірдей, бірақ «Барселона» гол айырмашылығымен алда тұр.