Әділетті қоғам құру ең алдымен заң алдындағы теңдікті қамтамасыз етуден басталады. Конституцияда бекітілген бұл қағидат азаматтардың әлеуметтік жағдайына, қызметіне немесе басқа да ерекшеліктеріне қарамастан, барлығының заң алдында тең екенін айқындайды.
Бұл талап мемлекеттік басқарудан бастап, күнделікті қоғамдық қарым-қатынасқа дейінгі барлық салада сақталуы тиіс. Әсіресе мемлекеттік қызметшілердің ашықтығы, жауапкершілігі және халық алдындағы есептілігі осы ұстанымның іс жүзінде жүзеге асуына ықпал етеді.
Түркістан облысында да мемлекеттік қызмет көрсету сапасын арттыру, тұрғындардың өтініштеріне жедел ден қою және заңдылықты сақтау жұмыстары әділетті қоғам қалыптастырудың маңызды бөлігі саналады.
Заң бәріне ортақ болғанда ғана қоғамда сенім нығайып, тұрақтылық орнығады.