Түркістан облысында полицейлер 30 отбасыға құқықтық кеңес берді, деп хабарлайды QULAGER.KZ.
Түркістан облысында отбасындағы зорлық-зомбылықтың алдын алу мақсатында «Отбасында зорлық-зомбылықсыз Қазақстан» акциясы ұйымдастырылды. Іс-шара аясында Кентау қаласында профилактикалық есепте тұрған 30 отбасының тұрғылықты мекенжайлары араланып, құқықтық кеңестер берілді.
Полицейлер тұрғындарға отбасындағы татулықтың маңызы мен зорлық-зомбылықтың зияны туралы түсіндіріп, құқықтық сауаттылықты арттыруға бағытталған ақпараттық жадынамалар таратты.
Акцияның негізгі мақсаты – құқықбұзушылықтың алдын алып, отбасындағы қауіпсіздік пен бірлікті нығайту.