Сауран ауданында мұқтаж отбасыға баспана кілті табысталды, деп хабарлайды QULAGER.KZ.
Сауран ауданы Құмтүйін елді мекенінде қайырымдылық пен бірлікті насихаттаған тағылымды іс-шара өтті. Сауран ауданының 1989 жылы туған азаматтарының бастамасымен баспанаға мұқтаж отбасыға арналып жаңа тұрғын үй салынып, пайдалануға берілді.
Тұрғын үй кілтін табыстау рәсіміне Сауран ауданының әкімі Мақсат Таңғатаров арнайы қатысып, қайырымды іске ұйытқы болған азаматтарға алғысын білдірді.
Іс-шара барысында тұрғын үй құрылысына белсенді қатысқан азаматтарға аудан әкімінің Алғыс хаттары табысталды. Айта кетейік, аталған қайырымдылық бастамасы бірнеше жылдан бері жалғасып келеді. Осы уақытқа дейін бірқатар отбасы баспаналы болып, игі жоба ел тұрғындарының қолдауына ие болған.