Темірлан – Түркістан бағытында инфрақұрылымдық жұмыстар жалғасуда, деп хабарлайды QULAGER.KZ.
Ордабасы ауданында тұрғындардың өмір сүру сапасын арттыруға бағытталған инфрақұрылымдық жобалар кезең-кезеңімен жүзеге асырылуда. Соның бірі – Темірлан ауылынан Түркістан бағытына қарай орналасқан аумақта жүргізіліп жатқан құрылыс және абаттандыру жұмыстары.
Бүгінгі таңда аталған аумақта жаңа тұрғын үйлер бой көтеріп, өңірдің сәулеттік келбеті жаңаруда. Сонымен қатар, жаңа нысандар салынып, демалыс орындары мен саябақтар жасақталуда.
Жол бойларына жаяу жүргіншілерге арналған аяқжолдар төселіп, тұрғындардың қауіпсіз әрі ыңғайлы қозғалысына қолайлы жағдай қалыптастырылуда.