Жылдың суық мезгілі келуімен жіті респираторлық вирусты инфекциялар (ЖРВИ)мен тұмау ауруының маусымы басталады. Сондықтан ЖРВИ және тұмау ауруынан сақтана білген жөн. ЖРВИ тұмау аурушаңдығының эпидемиялық маусымы 1-ші қазаннан басталып келесі жылдың сәуір айының соңына дейін созылады.
Жедел респираторлы вирусты инфекция (ЖРВИ) – интоксикация белгілерімен, катаралды құбылыстарымен, тыныс алу жолдарының әртүрлі бөлігін зақымдауымен, жоғары контагиоздылығымен ерекшеленетін аурулар тобы. Ауру қоздырғыштары ауа-тамшы жол арқылы беріледі.
Тұмау – бұл инфекциялық вирусты ауру, қоздырғышы А, В типтегі вирустар. Аурушаңдық науқас адамнан дені сау адамға ауа-тамшылы жолмен беріледі. Тұмауды жұқтырған уақыттан бастап клиникалық көріністерінің пайда болу мерзімі бірнеше сағаттан бірнеше күннің арасында өтеді. Тұмаудың негізгі көріністері – жалпы әлсіздік, қатты бас ауру, көз алмасын қимылдатқан уақытта ауру сезімі, қалтырау, ауру ағымына қарай дене қызуының 38-40С көтерілуі, бұлшықет пен буындардың ауру сезімі, көздің жасаурауы, мұрынның бітуі, тамақтың жыбырлауы, тершендік, құрғақ жөтел. Аурудың ұзақтығы 5 күннен 10 күнге дейін созылады. Тұмаудың салдарынан вирусты және бактериалды пневмонияға, отит, гайморит, менингит, энцефалит, сонымен қатар септикалық асқынуларға әкеліп соқтыруы мүмкін.
Тұмаудың алдын алудың ең сенімді жолы- тұмауға қарсы егу болып табылады.
Тұмау, ЖРВИ аурушаңдығының алдын алу үшін ұсынамыз:
— Эпидемия кезеңінің алдында тұмауға қарсы профилактикалық екпе алу;
— Адам көп жиналған жерге мүмкіндігінше (ойын — сауық шараларына, жиналыстарға, кездесулерге) барудан бас тарту, азайту;
— Бетперде тағу (әрбір 3 сағат сайын ауыстыру);
— Қолды сабынмен немесе бактерияға қарсы (құрамында спирт бар) ерітіндімен жуу;
— Бөлмені, ғимаратты, үйді жиі желдету, ылғалды жинау;
— Денені, аяқты жылы ұстау, мұздай, салқындатылған сусындарды тұтынуды шектеу;
— Таза ауада серуендеу, дене шынықтырумен және спортпен айналысу
-Дұрыс толыққанды тамақтану, витаминді тағамдарды пайдалану.
Түркістан облысы санитариялық-эпидемиологиялық бақылау департаментінің басшы орынбасары Искаков Аскар