Ауа райының құбылмалылығы иммунитеттің төмендеуіне және түрлі аурулардың өршуіне себеп болады.
🦠 1. ЖРВИ және тұмау
Күзде ауа салқындап, адамдар жабық ғимараттарда көп уақыт өткізеді. Бұл вирустардың тез таралуына жағдай жасайды.
Алдын алу:
Иммунитетті күшейтіңіз (дәрумендер, дұрыс ұйқы, таза ауада серуен).
Қолды жиі жуыңыз.
Тұмауға қарсы екпе алыңыз.
🤧 2. Аллергиялық ринит
Күзде өсімдік тозаңы мен зең споралары көбейеді, бұл аллергиясы бар адамдарға қиындық тудырады.
Алдын алу:
Терезені жиі ашып желдетіңіз.
Үйді таза ұстаңыз, шаңсорғышты қолданыңыз.
Дәрігер кеңесімен антигистаминді дәрі қолданыңыз.
💧 3. Тамақ және бронх аурулары
Суық ауа, салқын сусын немесе жаңбыр астында қалу — ангина мен бронхитке жол ашады.
Алдын алу:
Жылы киініңіз, әсіресе мойын мен аяқ жылы болсын.
Суық тағам мен сусыннан бас тартыңыз.
Көп су ішіп, жылы шай ішіңіз.
💔 4. Созылмалы аурулардың асқынуы
Күзде қысымның ауытқуы мен ауа райының өзгеруі жүрек-қан тамыр және буын ауруларын күшейтеді.
Алдын алу:
Дәрігер ұсынған емді үзбей қабылдаңыз.
Дұрыс тамақтаныңыз, физикалық белсенділікті сақтаңыз.
Суықтан сақтаныңыз.
Қыс мезгілі — ағзаны қамқорлыққа алатын кезең. Дұрыс тамақтану, жеткілікті ұйқы, таза ауа және профилактикалық шаралар сізді көптеген маусымдық аурулардан қорғайды.
Түркістан облысы санитариялық-эпидемиологиялық бақылау департаментінің басшы орынбасары А. Искаков