🦠 Құтырма дегеніміз не?
Құтырма – орталық жүйке жүйесін зақымдайтын өте қауіпті вирустық ауру. Бұл ауру ит, мысық, түлкі, қасқыр және басқа да жабайы жануарлардың тістеуі немесе сілекейі арқылы жұғады.
Егер адам уақытылы екпе алмаса – ауру өліммен аяқталады.
—
📌 Ауру қалай жұғады?
Ауру жұқтырған жануардың тістеуі немесе тырнауы арқылы;
Жануардың сілекейі жараға, терінің зақымданған жеріне түссе;
Сирек жағдайда – шырышты қабық арқылы (мысалы, көзге немесе ауызға сілекей түсуі).
—
🧠 Құтырманың белгілері (адамда):
Дене қызуының көтерілуі, әлсіздік, жара орнының ауыруы;
Жарықтан, шудан, судан қорқу;
Аяқ-қолдың тартылуы, тыныс алудың қиындауы;
Селкілдеу, сандырақтау;
Ауру асқынған кезде өлімге алып келеді.
—
✅ Алдын алу шаралары
1. Үй жануарларын (ит, мысық) жыл сайын егу
Құтырмаға қарсы вакцина жылына 1 рет тегін салынады.
Бұл – жануар мен иесін қорғаудың ең тиімді жолы.
2. Бөтен және жабайы жануарлардан сақ болу
Адам қолына үйренбеген, агрессивті немесе тынышсыз жануарларға жақындамаңыз.
Балаларға үй жануарларымен қауіпсіз қарым-қатынас ережелерін үйретіңіз.
3. Тістеген жағдайда не істеу керек?
Жараны тез арада сабынды сумен 10–15 минут жуу;
Антисептикпен (йод, спирт) өңдеу;
Міндетті түрде жақын маңдағы медициналық мекемеге жүгіну;
🏥 Есте сақтаңыз!
Құтырма – алдын алуға болатын, бірақ емделмейтін ауру.
Әрбір жануар тістеген жағдай медициналық көмекке жүгінуді қажет етеді – тіпті кішкентай жара болса да!
Түркістан облысы санитариялық-эпидемиологиялық бақылау департаментінің басшы орынбасары А. Искаков