“Ауыл” партиясының Сайрам ауданы бойынша аумақтық ұйымның төрағасы Жайлаубеков Есіркеп Оразбекұлы өзі білім алған №20 С.Сейфуллин атындағы мектепке арнайы барып, оқушыларға үлкен қуаныш сыйлады.
Акция барысында жас ұрпақтың білім көкжиегін кеңейтіп, рухани дүниесін байыту мақсатында түрлі жанрдағы 200 дана кітап мектеп кітапханасына тарту етілді.
Бұл игі бастама – жастарды кітап оқуға баулып, оқу мәдениетін арттыруға бағытталған маңызды қадам. Оқушылар мен ұстаздар қауымы құнды сыйлық үшін өз алғыстарын білдірді.