«Ауыл» партиясының Түркістан облысы бойынша өңірлік филиалының төрағасы, облыстық мәслихаттың депутаты Қалмуратов Төрегелді Оразалыұлының жетекшілігімен жиын өтті, деп хабарлайды QULAGER.KZ.
Кездесуге Сайрам-Өгем ұлттық табиғи паркі директоры Нұржігіт Сағадат Оразалыұлы, сондай-ақ Ақсу-Жабағылы ұлттық паркінің ғылыми бөлімінің мамандары қатысты.
Жиын барысында ерекше қорғалатын табиғи аумақтардағы демалушыларға жасалған жағдайлар мен экотуризмді дамыту мәселелері талқыланды. Табиғатты қорғау мен туризмді ұштастыру бағытында бірқатар ұсыныстар айтылып, нақты тапсырмалар берілді.
Төрегелді Оразалыұлы табиғи байлықтарымызды сақтай отырып, келушілерге қолайлы жағдай жасау – ортақ міндет екенін атап өтті. Сонымен қатар, өңірдің экотуристік әлеуетін арттыруға бағытталған бірқатар бастамаларды жүзеге асыру қажеттігін жеткізді. Кездесуде өзекті аймақтардың мәселесі де сөз болып, маңызды ой-пікірлер ортаға салынды.
Табиғатты аялау – ұлттың рухани байлығы мен болашақ ұрпақ алдындағы жауапкершілік! Сондықтан мәселені жүйелі қолға алып, алдағы уақытта тиісті жұмыстар барысы атқарылатын болады.