Түркістанда сиыр етінің келісі 2500 теңгеден саудалануда, деп хабарлайды QULAGER.KZ.
Түркістан қаласы әкімдігі мен «Түркістан» әлеуметтік-кәсіпкерлік корпорациясы» АҚ-ның Тұрақтандыру қорының ұйымдастыруымен әлеуметтік маңызы бар азық-түлік бағасын тұрақтандыру мақсатында арнайы «Сиыр еті» жәрмеңкесі тұрақты түрде өткізіліп жатыр.
Жәрмеңке әр аптаның сейсенбі және бейсенбі күндері өтеді.
Сиыр етінің бағасы – бір келісі 2500 теңге. Ал қазіргі нарықтағы орташа бағасы – 3200-3500 теңге болып отыр.
Әлеуметтік ет өнімдері Түркістан облысының аудан-қалаларынан жеткізіліп, әр адамға 5 келіге дейін сатылымға беріледі.
Бұл шара қала тұрғындарын қолжетімді бағамен сапалы ет өнімдерімен қамтамасыз етуге бағытталған.